Internt referansenummer:B-000020
Kilde:
GAMLETIDI TALER
GAMAL VALDRES-KULTUR I
Av: Knut Hermundstad
NORSK FOLKEMINNELAG
OSLO 1936
Klikk her for å lese ”Føreord”
Klikk her for å les om Knut Hermundstad

 

Nyfødde dyr skal ein ikkje ta i…

(«Skogin» fortel)

Umlag ein kilometer sør for Leira i Nord-Aurdal ligg den gamle kapteinsgarden Skavelden. Her er det gamal sogegrunn. Nede ved kongsvegen stod Systertelladn. Det var tre furor som — etter segni — skal vera planta av heilag Olav då han for gjenom Valdres på kristningsferd. Berre den eine står no att med nokre sprikjande, halvturre greiner.

I nyare tid — i all fall frå 1814-1878 — var Skaveldadn kapteinsgard. Og rett ein storgard var det. Den tid høyrde ei 10-12 husmannsplassar til garden. Ein av desse heitte Skogen, og her vart «Skogin» fødd 27. juni 1847.

Etter å ha besøkt han og snakka med han om «gamletidi», sette eg meg trast te skrive upp det meste av sogone. Her er ei av dei:

Nyfødde dyr skal ein ikkje ta i…

Når føli kom te verdi, skulde ikkje folk ta i dei, før det leid um ein dag eller so. Gjorde ein det, vilde dei lett bli utrottuge. Kjørstad’n hadde ein vår ei merr som skulde føla. So skulde han ned i Leira eit ærend. Før han gjekk, sa han:
«Føla merre mi, må du kji ta i føle!»  
«Kofor?» sa eg.
«De bli utrivele, utrøttugt tå di. De bli so de va forbanna! De ska ‘kji syndige følk ta i sleke dyr!» svara han kvast.

Noko liknande var det ogso med killingar og lamb når dei kom te verdi.

Legg igjen en kommentar

Din e-postadresse vil ikke bli publisert. Obligatoriske felt er merket med *