Kilde:
NORSK FOLKEMINNELAGS SKRIFTER 120
Norsk Folkeminnelag
I kommisjon hjå H.Aschehoug & Co. (W. Nygaard) a/s
Oslo 1978

Jens Haukdal
FRAMFOR STENA
Folkeminne
Frå Gauldalsbygdene II
Med spesialtillatelse fra slektninger

Omkring det gamle sæterbruket i Gauldal har det vore mykje tru og tradisjon. Skikken å beda om lov til å ta inn i sæterhusa har vore vanleg også i Ålen. Både på Søosen og Gauldala veit ein av dette. Dei gamle bruka ofte å seia kor mange veker dei hadde tenkt å vera på sætra. Da var det best å passa på så ein ikkje sat over denne fristen. Gjorde ein det ville ein få mykje styggver og mykje skade på buskapen.

Somme bruka også å slaå på bukjelen når dei kom til sætergrenda. Da ville ”dei andre” få tid på seg til å flytta ut. Det kunne vera ting dei ville ordna opp etter den lange vinteren.